Unija w Budyskim wokrjesu zastupuje politiku, kotraž złožuje so na křesćanski wobraz čłowjeka a zamołwitosć před Bohom. Naše korjenja su konserwatiwne, liberalne a křesćansko-socialne. Witamy wšitkich, kotřiž dostojnosć a swobodu čłowjekow respektuja. Z lěta 1990 ma unija politisku zamołwitosć w Budyskim wokrjesu, štož je mjez druhim na dobro našich městow a gmejnow. Tež w přichodnych lětach budźemy wuwiće našich městow a gmejnow spěchować.
W srjedźišću našeho jednanja steja ći, kiž maja podźěl na wukonje našeje towaršnosće: swójby, dźěłopřijimarjo a dźěłodawarjo. Smy sej aktualnych towaršnostnych wužadanjow wědomi. Tohodla złožujemy so při wólbach wokrjesneho sejmika na motiwowane, kompetentne a nazhonite kandidatki a kandidaty. Woni znaja naš wjesny, dwurěčny wokrjes a budu swoje dotalne dobre a wuspěšne dźěło konsekwentnje pokročować. Zhromadne dźěło z cyrkwjemi je nam při tym wažny zakład politiskeho jednanja.
