Za nas steji integracija ludźi, kotřiž su do našich dźěłowych wikow připućowali abo přijimanja dźěła dla k nam přińdu w srjedźišću. To je cyle w zmysle sylneho hospodarskeho wuwića našeho wokrjesa. Wot připućowanych a škit pytacych wočakujemy, zo demokratiju a prawniski system dodźerža a našu kulturu sebi waža.
Njehladajo toho přichadźeja mnozy do wokrjesa, kotřiž w Europje škit pytaja. Budyski wokrjes je hladajo na dale stupacu ličbu ćěkancow swoju hranicu poćeženja nastupajo móžnosće zaměstnjenja docpěł.
Zasadźujemy so tuž za jasne přesadźenje prawidłow nastupajo přizwolenja přebywanskeho a škitneho statusa. Zdobom žadamy sej konsekwentne wupokazanje ludźi, kotřiž njejsu w azylowym jednanju škitny status připóznate dóstali. K miniměrowanju připućowanjow dla wopačnych powabkow, podpěramy zawjedźenje płaćenskeje karty za azyl pytacych a wotpokazanych požadarjow azyla. Wokrjes budźe w tutej naležnosći ze zamołwitymi zarjadami kraja a zwjazka derje hromadźe dźěłać.
Zaměr našeho jednanja dyrbi być, woprawdźe škita potrěbnym pomoc dale poskićeć móc.
