Zjawna wěstota je za naše wobydlerki a našich wobydlerjow jedna z najwažnišich politiskich temow. K tomu je unija w Budyskim wokrjesu pozicisku papjeru wobzamknyła. Smy přeswědčeni, zo so wěstota jenož z konsekwentnym přesadźenjom prawow a zakonjow poradźi.
Runje tak wažne je zhromadne žiwjenje čłowjekow a zwěrjatow w našim wokrjesu; wosebje hladajo na wjelka, kotryž je so w našej kónčinje před lětami zaso zadomił. Wotstronjenje tak mjenowanych problemowych wjelkow dyrbi so dale přesadźić. Tohodla su dalše přizwolenja k honjenju wjelkow trěbne. Nam je wažne, zo njejsu hońtwjerjo, kotřiž tele dźěło wukonjeja, při tym ideologiskim nadběham abo samo wohroženjam wustajeni.
