Čestnohamtski angažement ma za towaršnostne žiwjenje wulki wuznam. Hač w sporće, w kulturje, w cyrkwjach, we wohnjowych woborach, w měšćanskej abo gmejnskej radźe, w staršiskich gremijach a druhich wobłukach – wjele ludźi zasadźa so we wokrjesu za druhich.
Smy sej wuznama čestnohamtskeho skutkowanja a trěbneho zhromadneho dźěła mnohich iniciatiwow wědomi. Tohodla zasadźujemy so za to, zo by społnomócnjena za čestne dźěło wokrjesa Budyšin dale jako narěčenska partnerka mnohim čestnohamtskim a dobrowólnym k dispoziciji stała. Podpěramy towarstwa a čestnohamtsce skutkowacych na přikład z čestnohamtskej pawšalu.
Wašnje hódnoćenja wokrjesa ma wysokemu angažementej wobydlerjow wotpowědować. Sportowe towarstwa, kotrež ćěłozwučowarnje wokrjesa wužiwaja, chcemy z pragmatiskim halowym managementom w jich dźěle podpěrać.
