Žiwa serbsko-němska dwurěčnosć je wosebitosć našeho wokrjesa. Tutej widźimy so winowaći. We wokrjesu skutkowacy serwisowy běrow za serbsku rěč w komunalnych naležnosćach podpěruje wokrjes a komuny.
Přez tworjenje žiwjenskich perspektiwow we wokrjesu spěchuje so tež situacija serbskeho ludu.
Chcemy widźomnosć serbskeje rěče dale spěchować. Tak maja němske a serbske popisanja runoprawne być. Připowědźenja w ćahach a busach maja być w přichodźe runoprawnje němske a serbske. Zawěsćamy spěchowanske instrumenty za serbsku rěč a wutwarjamy tute. Funkcija społnomócnjeneje za serbske naležnosće ma so w dotalnym wobjimje zdźeržeć.
